• ×

02:05 صباحًا , الثلاثاء 6 محرم 1439 / 26 سبتمبر 2017

الطائف

زيادة حجم الخط مسح إنقاص حجم الخط
من الطايف

من الأرض العظيمة

من الماضي ابو الحاضر

من الحارة القديمة

من الوديان وسيول المطر

والورد..

من جبال الهدا والبرد

من شعور الدفا الساكن حواريها

من الصافي بهذي السحب والغيمة


من الطايف

من الذكرى

وتفاصيل المكان وضحكة الأصحاب

من الموقد.. من القهوة.. من الخيمة

من وجوه السمر

في المبسم اللي ذاب ..

على حكاه وترانيمة


من الطائف

وخضاب يدينها الأخاذ

ونقش الثوب وحزامه

هلا والله بأيامه


من التاريخ

من الحي العتيق الممتلي أرواح

من اللي راح من عمري

وما أظنه راح

من اللي عايش بصدري

سنين جراح

من اللي صعب تغييمه


من الطائف

عكاظ العز والشعار

وأرض الله لها إكبار

شمالية جنوبية

وقمرية وشرقية

وقروى والهدا وشهار

من الردف.. شفا الأنظار

من الروح الحجازية

ليا من أقبلت روحك

على حي اليمانية .


من الهيبة من العزة فِ شارع جيش

من الوشحاء إلى الحلقة بلا تهميش

ولا منّك وصلت المرحبا / اوقف

تشوف أهل العقيق فِ حضرة الموقف

وتبشر بالكرم والجود والهيّة

ليا من عانقت رجلك

دروب مسيرين المجد رجليّة

ولا تحسب حساب الوقت

تبي تضمك سوالفنا

على شاي الجمر لو منت عارفنا

بنحكي لك عن الماضي

وتواريخ المكان المملي الفاضي

طفولتنا وشقاوتنا

"وطاق وطاق طاقية "

ونرحب بك

ونفرح بك مثل ديمة

وترى الطايف

هي اللي تعشق أشياها ..

وتعطي كل شيء قيمة .



-صالح الزايدي.

بواسطة : صالح الزايدي
 0  0  1.2K
جميع الأوقات بتوقيت جرينتش. الوقت الآن هو 02:05 صباحًا الثلاثاء 6 محرم 1439 / 26 سبتمبر 2017.